ehz - musikazuzenean.com

Guaka, Txoria Txori

Koldo — Tue, 10 Jul 2012 01:44:34 +0000

Guaka taldeak, Mikel Laboaren ‘Txoria Txori’ kantu mitikoa abestu zuen Luz De Putas taldeko Mikel Tife abeslariaren laguntzarekin.

Giro elektronikoak nagusi Heletan

Koldo — Tue, 03 Jul 2012 15:36:39 +0000

Giro elektronikoak nagusitu dira heletan aurtengoan ere. Larunbat gauean izar nagusi izan ziren South Central eta The Bloody Beetroots Dj Set musika egitasmoak. lehenak, karpa txikian eskaini zuten emanaldia. Bigarrenak, eszenatoki handian. Ikusgarria izan zen Italiarren saioa, taldearen izena zeraman plataforma argitsu baten gainean pintxatzen aritu ziren, bertan bildutako ikusleentzat gozagarri. Bideoak dena esaten du!

Larunbat gaueko giroa

Koldo — Tue, 03 Jul 2012 15:29:59 +0000

Kanaldude Telebistako beste bideo eder bat. Honakoan, larunbat gauen bizi izan zen giroa islatzen da. Musika taldeak alde batera uztita, ikuslegoa protagonista nagusi bilakaturik The Beatles taldearen kantu ezaguna soinu banda bezala hartuta.

Esne beltza jende artean

Koldo — Tue, 03 Jul 2012 15:26:42 +0000

Esne Beltza taldearen emanaldia sutsua bezain koloretsua izan zen.Ohiko kantuak, saioa akustikoa eta jendea arteko bueltatxoa ere. Bideo honetan, Xabi Solano eta Patxuko ikus ahal dira jende artean kantu pare bat jotzen….

Bideo hau Youtube kanaletik hartu dugu.

Topatu-k egindako bideoa

Koldo — Tue, 03 Jul 2012 15:20:24 +0000

Topatu.info atariko kideak bideo politak egin dituzte egunero Heletatik. Hona, hirugarren eta azken eguneko irudiekin egindakoa.

info zabalagoa:
http://www.topatu.info

Argazki galeria ederra sarean

Koldo — Mon, 02 Jul 2012 18:05:50 +0000

EHZ jaialdiko argazkiak topatu ditugu Flickr gunean. Hauek, Abigail Darktrisha bezala sinatzen duen argazkilariarenak dira, tartean, Danakil, Matxura, Anai arrebak edota Miyavi taldearen argazkiak topatu daitezkeelarik.

Ikus eta gozatu:
http://www.flickr.com/photos/abigailbathory/sets/72157630357624634/

Ras Lujah hip hop giroetan

Koldo — Mon, 02 Jul 2012 17:44:28 +0000

Antxerteta gunean aritu zen Ras Lujah taldea larunbat arratsaldez. Sustrai beltzeko musika beltza, hip hopa, errima eta erritmoen munduan.

Honako bidea youtube gunean topatu dugu.

Azken txanpa heletan…

Koldo — Sun, 01 Jul 2012 20:05:12 +0000

Erritmo balkanikoak datozkigu berriz ere Heletara. Oraingoan, talde frantses batek ekartzen ditu. Urbeltzeta karpako azken emanaldia dugu hau, baina hala ere jende dexente bildu da akordeoiak gidatutako musika honekin dantzatzera. Hauen ostean, eta eszena nagusian, Raggasonic taldeak egin du saltu taula gainera. Ragga musikaz, amaiera emango diote Euskal Herria Zuzenean jaialdiaren 17. edizioari.

Su Ta Gar, gogor eta gogoz

Koldo — Sun, 01 Jul 2012 19:59:46 +0000

Igande arratsak nahiko lasaiak izaten dira festibalean. Erritmo beltz eta reegae doinuak nagusitzen dira arrats partean, festa giroa nagusituz .Baino bada bestelakorik ere. Su Ta Gar taldeak gitarrak zorrotz astindu ditu gaueko bederatziak aldera. Ohikoan baino kantu zerrenda laburragoaz, betiko klasikoetara jo dute, ‘Jo ta ke’, ‘Mari’ edota ‘Rotaflexa garraxika’ kantuekin gogor joz.

Bebe-ren doinu gazi-gozoak

Koldo — Sun, 01 Jul 2012 18:23:07 +0000

Arratsaldeko 18:00etan taularatu da Bebe Gibelherri eszenatokian, igande arratsaldeko emanaldi esperoenetako bat berea. Gehienbat, azken diskako kantuekin aritu da, baina tartean, bere lehen diskako abesti ezagunak ere jo ditu, horrela ikuslegoa bereganatuz. Emanaldi osoan zehar, publikoarekin asko interaktuatu du, bertaratutakoak gustura egon direlarik.